NJOFTIM
Në zbatim të Vendimit të Këshillit të Ministrave nr. 850, datë 4.11.2020“ Për miratimin e Strategjisë Kombëtare për Prokurimin Publik dhe të planit të veprimit për zbatimin e saj”, Komiteti Drejtues i Strategjisë Kombëtare për Prokurimin Publik 2020-2023, në mbledhjen e datës 2 Maj 2024, vendosi miratimin e Raportit të Monitorimit të SKPP 2020-2023 për periudhën Janar- Dhjetor 2023.
NJOFTIM
Në zbatim të Ligjit nr. 162/2020 “Për Prokurimin Publik” dhe VKM-së nr. 531 datë 7.9.2023 “Per krijimin e shoqerisë aksionare shteterore “Operatori i Blerjeve te Perqendruara” Sh.a për kryerjen e procedurave të veçanta të prokurimit publik, në emër dhe për llogari të Kryeministrisë, Ministrive dhe Institucioneve të Varësise”, bëjmë me dije se Ministria e Ekonomisë, Kulturës dhe Inovacionit, në cilësinë e pronarit me 100% të aksioneve, ka regjistruar pranë Qendrës Kombëtare të Biznesit shoqërinë aksionare “Operatori i Blerjeve të Përqendruara”, me NIPT M41501042N, me objekt kryerjen e veprimtarive ndihmëse për prokurimin publik, në emër dhe për llogari të Kryeministrisë, Ministrive dhe Institucioneve të varësisë.
NJOFTIM
Njoftohen të githë Autoritetet Kontraktore, Operatorët Ekonomikë, Audituesit si dhe çdo Autoritet tjetër që në përmbushje të detyrës së tij përdor Sistemin e Prokurimit Elektronik (në vijim “SPE”), se:
Për shkak të punimeve me qëllim mirëmbajtjen e tij, SPE do të jetë jashtë funksionit (offline) 2 orë, në datën 12.04.2024 duke filluar nga ora 14:00.
Lënda: Njoftim
Drejtuar: Të gjithë Autoriteteve/Enteve Kontraktore
Agjencia e Prokurimit Publik (në vijim “APP”) sjell në vëmendje të Autoriteteve/Enteve Kontraktore që, në zbatim të dispozitave ligjore të prokurimit publik çdo procedurë prokurimi e krijuar në Sistemin e Prokurimit Elektronik (në vijim “SPE”) deri me datë 31.12.2023, duhet të përfundohet në SPE me Arkivimin e saj.
Njoftim Nr. 2438 Prot., datë 19.03.2024
Drejtuar: Autoriteteve/Enteve Kontraktore
Ligji Nr. 162/2020 "Për prokurimin publik, ka pësuar disa ndryshime, të miratuara me Ligjin Nr. 16/2024 "Për disa shtesa dhe ndryshimme në ligjin Nr. 162/2020 "Për prokurimin publik, i cili hyn në fuqi në datë 20 Mars 2024.
NJOFTIM
Drejtuar: Autoriteteve/Enteve Kontraktore
Operatorëve Ekonomikë
Agjencia e Prokurimit Publik (në vijim “APP”), njofton të gjithë palët e interesuara se, është miratuar Ligji Nr. 16/2024 “Për disa ndryshime dhe shtesa në Ligjin Nr. 162/2020 “Për prokurimin publik”, i cili është publikuar në Fletoren Zyrtare Nr. 40, datë 04.03.2024.
Ligji hyn në fuqi në datë 20 Mars 2024, me përjashtim të neneve të përcaktuara në pikën 2, të nenit 54 të këtij ligji.
Qëllimi i këtij ligji është të përmirësojë kuadrin rregullator të prokurimit publik në Shqipëri, duke synuar përafrimin e mëtejshëm të Ligjit Nr.162/2020 me Direktivat e BE, si dhe adresimin e disa problematikave të dala gjatë zbatimit të këtij ligji në praktikë nga autoritetet kontraktore dhe operatorët ekonomikë, me qëllim lehtësimin e procesit të prokurimit për të gjitha palët e përfshira në të.
Ju bëjmë me dije se, procedurat e prokurimit të nisura përpara datës 20 Mars 2024 do të vijojnë të realizohen sipas parashikimeve të ligjit në fuqi në momentin e fillimit/nisjes së tyre. Ndërsa, procedurat e prokurimit, që do të nisin (me nxjerrjen e urdhrit të prokurimit) në datë 20 Mars e në vijim, do t’i nënshtrohen parashikimeve të reja ligjore.
Gjithashtu, aktet nënligjore të nxjerra deri në momentin e hyrjes në fuqi të Ligjit Nr. 16/2024, të cilat nuk bien në kundërshtim me këtë të fundit, do të zbatohen deri në nxjerrjen e akteve nënligjore në zbatim të tij.
Sjellim në vëmendje se, përvec publikimit në Fletoren Zyrtare Nr. 40, datë 04.03.2024, me qëllim njohjen me ndryshimet e reja ligjore në ligjin e prokurimit publik, Ligjin Nr. 16/2024 e gjeni, gjithashtu, të publikuar në Faqen Zyrtare të APP, në seksionin “Legjislacioni”- “Prokurimi Publik”- “Ligji”.
Ndryshimet kryesore, që sjell Ligji Nr. 16/2024, dhe që hyjnë në fuqi nga data 20 Mars, janë si më poshtë:
- Parashikimi për herë të parë i konceptit të veprimtarive ndihmëse dhe ofruesit të shërbimit të prokurimit;
- Shfuqizimi i llojit të procedurës së prokurimit “Shërbim Konsulence”, si një procedurë, që nuk përcaktohet nga Direktivat e BE;
- Përcaktimi i konceptit të Urdhrit të Prokurimit në përkufizimet e ligjit, si moment procedurial për nisjen e një procedure prokurimi;
- Rishikimi i nenit të Konfliktit të Interesave, duke parashikuar edhe rastin e marrjes së masave në rast të evidentimit të tij gjatë zbatimit të kontratës;
- Rishikimi i kompetencave të Agjencisë së Prokurimit Publik të parashikuara në nenin 23 të ligjit, lidhur me monitorimin e kontratave, administrimin e bazës së të dhënave, si dhe rasteve të përjashtimit të operatorëve ekonomikë nga e drejta për të fituar kontrata publike;
- Riformulim i dispozitës lidhur me blerjen e përqendruar;
- Rishikim i nenit të Formularit Përmbledhës të Vetdeklarimit;
- Saktësimi i rasteve se, kur një autoritet ose ent kontraktor raporton pranë APP lidhur me tërheqjen e operatorëve ekonomikë;
- Parashikimin si kriter detyrues për skualifikim i rastit kur, operatorët ekonomikë nuk kanë të regjistruar pronarët përfitues në regjistrin e pronarëve përfitues, sipas parashikimeve të legjislacionit në fuqi; kur operatori ekonomik nuk përmbush detyrimet që rrjedhin nga legjislacionin për pagat; detyrimin për skualifikimin e një operatori ekonomik edhe kur personi i dënuar me një vendim gjyqësor të formës së prerë për shkelje të rëndë profesionale është anëtar i një organi administrimi, drejtues ose mbikëqyrës i atij, aksionar ose ortak, i operatorit ekonomik, ose ka kompetenca përfaqësuese, vendimmarrjeje ose kontrolluese brenda tij;
- Në procedurat e prokurimit me vlerë nën kufijtë e lartë monetarë, autoritetet ose entet kontraktore refuzojnë pa kërkuar shpjegime një ofertë, e cila është konstatuar anomalisht e ulët;
- Paraqitja e ankesave dhe e argumentave nga operatorët ekonomikë bëhet në Sistemin Elektronik të Ankesave;
- Është parashikuar detyrimi për hartimin e planit të zbatimit të kontratës, brenda 10 ditëve nga lidhja e kontratës, vetëm për kontratat, që lidhen në përfundim të procedurave me vlerë mbi kufirin monetar të prokurimeve me vlerë të vogël, të cilat kanë kohëzgjatje jo më pak se 6 muaj.
- Rishikim i detyrimeve të autoriteteve ose enteve kontraktore ndaj APP, për raportimin lidhur me zbatimin e kontratave, duke hequr detyrimin për raportim mbi hartimin e planit të zbatimit të kontratës, si dhe raportimet e ndërmjetme për ecurinë e zbatimit të kontratës. Me ndryshimet ligjore parashikohet një raportim i vetëm në përfundim të kontratës, në të cilin autoritetet kontraktore do të pasqyrojnë të gjitha të dhënat mbi ecurinë e zbatimit të kontratës, modifikimi/et e kryera, problematikat e hasura gjatë zbatimit të kontratës dhe masat e marra për zgjidhjen e tyre (pra, edhe të dhënat që dërgoheshin nga raportimi i ndërmjetëm).
Duke ju falënderuar,
Drejtuar: Të gjithë autoriteteve/enteve kontraktore
NJOFTIM
Mbi Verifikimin e Zbatimit të Ligjshmërisë
NJOFTIM
Agjencia e Prokurimit Publik (në vijim “APP”) referuar njoftimit të Agjencisë Kombëtare të Shoqërisë së Informacionit, ku në kuadër të optimizimit të shërbimeve publike dhe infrastrukturave të tyre mbështetëse, shërbimet që ofrohen nga e-Albania nga dita e premte, datë 2 Shkurt, ora 20:00, deri ditën e dielë, më datë 4 Shkurt, ora 10:00 do të jenë përkohësisht jashtë funksionit, sqarojmë se:
Njoftim Nr.1288 Prot.., date 02.02.2024
NJOFTIM
Njoftohen të githë Autoritetet Kontraktore, Operatorët Ekonomikë, Audituesit si dhe çdo Autoritet tjetër që në përmbushje të detyrës së tij përdor Sistemin e Prokurimit Elektronik (në vijim “SPE”), se:
Njoftim Nr. 2060 Prot., datë 23.03.2022
Drejtuar: Autoriteteve dhe Enteve Kontraktore
Agjencia e Prokurimit Publik (në vijim “APP) në zbatim të detyrave të saj ligjore, me qëllim mirëzbatimin e kuadrit ligjor për prokurimin publik, sipas parashikimeve të nenit 23, gërma “ç” të Ligjit Nr. 162, datë 23.12.2020 “Për prokurimin publik”, sjell në vëmendje të autoriteteve/enteve kontraktore se, Këshilli i Ministrave ka miratuar së fundmi: